sabab anjeun
mubus peuntaseun waktu
anjeun ngajangélék jadi halimun
nu mawur ti puhu umur
ngalimpudan gawir kaketir
tuluy nyangsaya satukangeun iga
raga amitan
seja mulas langit bihari
sangkan cangra kelir cahara
sabab anjeun ngeukeuhan rasa
(1010)
ngabaladah léngkah
mumbul wuwung langit
késang namper 'na sawangan
mebes dadampar sagara
sumsum renung nyuat balung
ngudar pamageuh dada
sangkan léngkah dibaladah
tuluy pataréma reujeung rasa
(09-1010)
Tidak ada komentar:
Posting Komentar